Vrasja në Durrës: Autori komshi në një kat me viktimën, u zunë për parkimin

Euronews Albania ka mësuar detaje të reja në lidhje me vrasjen e ndodhur me thikë në qytetin e Durrësit mesditen e kësaj të mërkure.

Bëhet me dije se viktima Halil Koka, 40-vjeç, ishte komshi me autorin, shtetasin Ilir Koçilja.

Banesat e tyre ndodhen në të njëjtin pallat dhe hyrjet e tyre përballë njëra tjetrës.

Burime për gazetaren, Kloida Gjuzi, bëjnë me dije se dy fqinjët kishin kohë që nuk komunikonin me njëri-tjetrin për shkak të një borxhi.

Këtë të martë konflikti lindi për një vendparkim dhe debati agravoi deri në përdorimin e thikës nga 35-vjeçari Koçilja.

Të dy personat njihen si përdorues të lëndëve narkotike, madje autori kishte shfaqur dhe probleme të shëndetit mendor.

Autori u arrestua nga policia disa orë pas krimit të rëndë.

LEXONI GJITHASHTU: 

• U qëllua me thikë, ndërron jetë 40-vjeçari. Policia në kërkim të autorit (Emrat)
• Vëllezërit në Korçë “bëjnë” për spital një shtetas, shpallen në kërkim