Escobar në festën e Pavarësisë të organizuar nga Ambasada e Kosovës në Uashington

Ambasada e Kosovës në Shtetet e Bashkuara të Amerikës ka organizuar dje një ceremoni për festimin e 16 vjetorit të Pavarësisë së Kosovës, ku ka marrë pjesë edhe i Dërguari i ShBA-së për Ballkanin Perëndimor, Gabriel Escobar.

Escobar ka mbajtur fjalim në këtë ceremoni, që është organizuar në Bibliotekën ikonike të Kongresit.

“Një nder i madh për Ambasadën e Republikës së Kosovës në Shtetet e Bashkuara të Amerikës, për të festuar 16 vjetorin e Pavarësisë, në Bibliotekën ikonike të Kongresit përkrah shumë miqve. I jemi mirënjohës Përfaqësuesit Ritchie Torres që u bashkua me mirësjellje si bashkë-pritës i këtij takimi dhe shumë anëtarëve të nderuar të Kongresit të SHBA që festuan së bashku Ditën e Pavarësisë. Falënderojmë Escobar për praninë dhe deklaratat në emër të Qeverisë së SHBA”, thuhet në njoftimin e ambasadës.

LEXONI GJITHASHTU:

• Kapen duke shpërndarë para të falsifikuara, arrestohen 4 shqiptarë në Kosovë
• Vuçiç: Qëllimi kryesor dhe përfundimtar i Kurtit është të dëbojë serbët nga Kosova