Durrësi, majtas apo djathtas? Arbjan Mazniku debat me gazetarin mbi sjelljen votuese ndër vite

Prirjet politike në qarkun e Durrësit u diskutuan këtë mbrëmje në emisionin “Barometri Politik” në Euronews Albania.

Nënkryetari i Bashkisë së Tiranës, Arbjan Mazniku, thotë se ky qark prej 14 vitesh ka pasur një besnikëri ndaj ofertave të Partisë Socialiste.

“Durrësi ka që në 2007 që voton në mënyrë sistematike një kryetar bashkie të Partisë Socialiste. 14-15 vjet është histori e re, ku në katër cikle elektorale është sistematike në një krah dhe është i majtë. 14 vjet në një krah politik janë mjaftueshme për të thënë se kemi të bëjmë me një qëndrueshmëri politike. Durrësi ka qenë më djathtas deri në 2003, por ka 14 vjet, që nuk është.”

Gazetari Neritan Sejamin theksoi se qyteti i Durrësit ka pasur histori përmbysjesh në vota, ku përmendi vitin 2005, në të cilin Partina Demokratike fitoi bindshëm kundër PS.

“Durrësi është një nga qytetet, që ka pasuar përmbysje totale. Në 2005 PD, e ka shpartalluar Partinë Socialiste”, tha ai.

Pedagogia dhe drejtuesja e IDMC-së, Jonila Godole, tha se në Durrës ka gjasë që të rritet Partia Demokratike, por e gjithë kjo shtoi ajo do varet nga ecuria e fushatës.

“Opozita mundet, që të rritet edhe më shumë, por do shohim se si do vijojë fushata”, theksoi Godole.

Lexoni gjithashtu:

Cila parti e merr Durrësin? Sondazhi zbulon si do të votonin durrsakët po të mbaheshin zgjedhjet të dielën

Menaxhimi i pasojave të tërmetit, qarku i Durrësit i vë notë qeverisë dhe opozitës

Preferenca për kryeministrin, Basha dhe PD performon më mirë në Durrës në krahasim me veten në nivel kombëtar