Plagosi me armë fqinjin e tij, vetëdorëzohet në Polici 31-vjeçari në Tiranë

31-vjeçari Amarildo Kamberi i cili plagosi me armë zjarri fqinjin e tij Xhevahir Kolaveri në Tiranë, është vetëdorëzuar në Polici.

Përmes një njoftimi, Policia ka bërë të ditur se është sekuestruar edhe arma e zjarrit e përdorur për plagosjen dhe një sasi municioni luftarak.

Kujtojmë se ngjarja ndodhi në rrugën e Elbasanit, ndërkohë që Kolaveri është jashtë rrezikut për jetën.

Njoftimi i Policisë:

Tiranë-Vetëdorëzohet në Polici, 31-vjeçari që plagosi me armë zjarri fqinjin e tij, më datë 17.02.2024.

Sekuestrohet arma e zjarrit pistoletë e dyshuar e përdorur për plagosjen dhe sasi municioni luftarak.

Specialistët e Seksionit për Hetimin e Krimeve Ndaj Personit në DVP Tiranë ndaluan shtetasin A. K.(K)., 31 vjeç, banues në Tiranë.

Ky shtetas, më datë 17.02.2024, rreth orës 17:35, në rrugën “Haki Shehu”, Tiranë, është konfliktuar për motive të dobëta, me fqinjin e tij, shtetasin Xh. K., dhe gjatë konfliktit e ka qëlluar atë me armë zjarri.

Si pasojë shtetasi Xh. K. është dëmtuar. Aktualisht ndodhet jashtë rrezikut për jetën.

Në cilësinë e provës materiale u sekuestrua arma e zjarrit pistoletë, e dyshuar e përdorur gjatë ngjarjes, dhe sasi municioni luftarak.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjjthshëm Tiranë, për veprime të mëtejshme.

LEXONI GJITHASHTU:

• Të shtëna me armë në Tiranë, plagoset një person te Rruga e Elbasanit
• Plagosja pas konfliktit për pronën në Tiranë, identifikohet i plagosuri dhe autori