PE miratoi rezolutën për Shqipërinë, Nirvana Deliu: Përpjekje për të bindur vendet skeptike për zgjerimin

Nirvana Deliu, hulumtuese e politikave evropiane u shpreh në Euronews Albania se vota e djeshme në Parlamentin Europian për raportin mbi Shqipërinë ishte vlerësim pozitiv.

“Një vlerësim pozitiv nga parlamenti është një përpjekje për të bindur edhe ato vende euro-skeptike ndaj zgjerimit të BE në Ballkanin Perëndimor, konkretisht edhe për Shqipërinë, për të parë progresin që Shqipëria ka bërë”, u shpreh zonja Deliu.

Ai theksoi se një tjetër lajm i mirë “ ishte ajo që u deklarua nga reporteri i Serbisë, që tha që ministrat e Jashtëm të BE do të mblidhen mes të prillit për të diskutuar mbi agjendën e zgjerimit”.

Sipas saj, një nga kushtet e Shqipërinë për Integrimin në BE-së është që në 25 prill të zhvillohen zgjedhje të lira dhe të ndershme.

“Pa zgjedhje të lira dhe ndershme nuk ka integrim në BE”, u shpreh ajo.

Parlamenti Evropian ka miratuar rezolutat për Shqipërinë, Kosovën, Maqedoninë e Veriut dhe Serbinë, të cilat u diskutuan në një seancë plenare të veçantë gjatë ditës së djeshme.

Raporti i hartuar nga raportuesja për Shqipërinë, Isabel Santos mori 581 vota pro, 61 vota kundër, si dhe 45 abstenime.

Raportuesja Isabel Santos, gjatë fjalës së saj tha se “Shqipërisë i duhet dhënë shpresë dhe se vendi ka bërë progres”, ndërsa theksoi se zgjedhjet e 25 prillit do të jetë moment historik për forcimin e demokracisë dhe për t’i dhënë fund polarizimit.

Lexoni gjithashtu:

Raportuesja për Shqipërinë në PE, Santos: Për zgjedhje të parakohshme vendosni vetë

PE miraton progres-raportet për vendet e Ballkanit Perëndimor