Vdes punëtorja e landfillit, 61-vjeçarja nënë e 11 fëmijëve, prej 10 vitesh punonte në Bushat

Gjashtëdhjetenjëvjeçarja nënë 11 fëmijëve punonte prej më shumë së 10 vitesh në vend-grumbullimin e Bushatit në diferencimin e mbetjeve. Në momentin e ngjarjes ajo ishte bashkë me të motrën, e cila u trondit dhe pësoi gjendje shoku.

Trupi i viktimës është dërguar pranë morgut të spitalit rajonal të Shkodrës dhe po kryhet ekspertiza. Euronews Albania tentoi të hynte në ambientet e vend-grumbullimit, por kjo gjë nuk u lejua.

Në linjë telefonike administratori Agron Ceka, duke shprehur keqardhjen për humbjen e jetës së 61-vjeçares, u shpreh se ngjarja është aksidentale pasi është kryer kontrolli teknik i të gjitha mjeteve të punës. Administratori është marrë në pyetje edhe nga policia, e cila është duke vazhduar hetimet në lidhje me këtë ngjarje.

Në fillim të vitit landfilli i Bushatit miratoi rritjen e çmimit të depozitimit të mbetjeve me arsyen se nevojës së kryerjes së invenstimeve në infrastrukturë dhe makineri ndërsa hasi kundërshtime nga bashkia e Shkodrës.