Përdhunoi një vajzë në klubin e natës, Gjykata shpall fajtor dhe dënon Dani Alves

Legjenda e Barcelonës, Dani Alves, është dënuar me katër vjet e gjysmë burgim për sulm seksual nga një gjykatë në Barcelonë.

Përveç kësaj, ai do të detyrohet të dëmshpërblejë viktimën me një pagesë prej 163,000 dollarë (150,000 €).

Pas vuajtjes së dënimit në burg Alves do të duhet të përfundojë dhe një periudhë shërbimi prove pesëvjeçare.

Gjykata u shpreh se ka prova që vërtetojnë përdhunimin që Alves u akuzua se kreu në një banjë të seksionit VIP të klubit të natës Sutton, në orët e para të 31 dhjetorit 2022.

Ai u arrestua tre javë pas incidentit dhe ndaj tij u ngrit akuza për “sulm seksual”.

Prokurorët kërkuan një dënim me nëntë vjet burg  dhe 10 vjet shërbim prove për Alves.

Ata detyrohet gjithashtu të paguaj 163,000 dollarë si kompensim për viktimën.

Ish-reprezentuesi brazilian dhe tre herë fituesi i Ligës së Kampionëve me Barçën fillimisht mohoi të njihte viktimën në një intervistë televizive. Më vonë, megjithatë, ai pranoi se kishte bërë seks me të, por pretendoi se ishte konsensuale.

LEXONI GJITHASHTU

• Tjetër goditje për Dani Alves, skuadra i ndërpret kontratën
• Akuzohet për ngacmim seksual, arrestohet futbollisti Dani Alves