“Greqia lejon vetëm martesat civile”, gazetari: Nuk lejohen ato fetare!

Këtë të premte në “Barometri” në Euronews Albania u diskutua qendrimi që shqip[tarët mbajnë ndaj komunitetit LGBT+ në raporte të afërta.

Sipas sondazheve rezultoi se sa më afër të ishte marrëdhënie me një person të këtij komuniteti aq më kundër ishin shqiptarët. Të pyetur nëse do pranonin një martesë me një person LGBT+, 94.2% janë përgjigjur me jo.

Për të folur për temën ishte i ftuar në një lidhje direkte edhe gazetari i Euronews Greece, Apostolos Staikos. Ai foli për ligjin e miratuar së fundmi në Greqi, ku janë pranuar martesat mes të njëjtës gjini.

“Nga ky çast një çift homoseksualësh mund të martohen. Flasim këtu për martesa civile, jo për martesa fetare. Debati shumë i madh që kemi në Greqi ka të bëjë me adoptimin e fëmijëve, me mundësinë e këtyre çifteve për të birësuar një fëmijë. Çiftet e homoseksualëve nuk kanë akses te nënat surrogate, pra të paguajnë një nënë që të mbajë fëmijën e tyre”,-tha gazetari.

LEXONI GJITHASHTU:

• Martesat e së njëjtës gjini në Shqipëri, shqiptarët në shumicë kundër
• “Do zbardhen tabulatet telefonike 6-mujore”, flet eksperti për vrasjen e 50-vjeçarit