Italia del kundër idesë për dërgimin e trupave në Ukrainë

Mbështetja e Ukrainës në luftën e saj kundër Rusisë nuk përfshin dërgimin e trupave evropiane ose të NATO-s atje, kështu tha këtë të martë zyra e kryeministres italiane, Giorgia Meloni, në përgjigje të sugjerimeve franceze se asnjë opsion nuk duhet të përjashtohet.

“Që nga agresioni rus dy vjet më parë, ka pasur unitet të plotë midis të gjithë aleatëve në mbështetjen për Kievin. Kjo mbështetje nuk përfshin praninë e trupave nga shtetet evropiane ose të NATO-s në territorin ukrainas”.

Sipas Ansa.it vende të tjera evropiane, përfshirë Hungarinë, Poloninë, Republikën Çeke, Gjermaninë dhe Britaninë, gjithashtu thanë se nuk kishin plane për të dërguar trupa tokësore në Ukrainë.

LEXONI GJITHASHTU:

• Suedia anëtarësohet në NATO, reagon presidenti Begaj: Aleanca jonë u bë më e fortë
• Hungaria pritet ta ratifikojë anëtarësimin e Suedisë në NATO të hënën