Suedia anëtarësohet në NATO, reagon presidenti Begaj: Aleanca jonë u bë më e fortë

Parlamenti i Hungarisë e ka miratuar të hënën projektligjin që i mundëson Suedisë anëtarësimin në NATO. Hungaria ka qenë vendi i vetëm prej 31 vendeve anëtare të NATO-s që e ka bllokuar anëtarësimin e këtij vendi nordik në aleancën veriatlantike.

Ligjvënësit kanë votuar me 188 vota për dhe gjashtë kundër.

Presidenti Bajram Begaj i kauruar mirëseardhjen shtetit më të ri  të aleancës së NATO-s me një postim në platformën “X” ku shkruan:

Mirë se vini, Suedi, si shteti i 32-të anëtar i NATO-s. Aleanca jonë është tani edhe më e fortë dhe e bashkuar, duke forcuar sigurinë dhe vlerat tona kolektive.

Welcome, Sweden, as the 32nd member country of NATO.

Our alliance is now even more robust and united, strengthening our collective security and values.#StrongerTogether

— Bajram Begaj (@BajramBegajAL) February 26, 2024

Qeveria e Orbanit është përballur me presion prej aleatëve të NATO-s që të jetë në përputhje me vendet tjera të aleancës dhe të ratifikojë marrëveshjen për pranim të Suedisë.

“Më në fund është kryer, Suedia është anëtarja e 32-të e aleancës, dhe në këtë mënyrë NATO-ja është bërë më e fortë”, ka thënë Agnes Vadai, ligjvënëse e partisë opozitare hungareze, Koalicioni Demokratik.

LEXONI GJITHASHTU:

• Hungaria miraton anëtarësimin e Suedisë në NATO
• Balluku: U firmos me BERZH marrëveshja e financimit për hekurudhën Vorë-Hani i Hotit