Debati i Berlinales, akuzat për antisemitizëm, hakime dhe kallëzimet penale

Një edicion shumë i politizuar i Festivalit Ndërkombëtar të Filmit në Berlin përfundoi fundjavën e kaluar, por përçarjet rreth mesazheve politike për luftën në Lindjen e Mesme vazhdojnë. Berlinale tani është përfshirë në polemika të cilat dëmtojnë rëndë reputacionin e saj.

Fundi i edicionit të 74-të të Festivalit te Filmit në Berlin këtë vit përshkallëzoi përtej çdo pritshmërie.

Sipas Berlinales kanali i tyre në Instagram u hakerua për një kohë të shkurtër të dielën dhe u postuan “përmbatje antisemitike me imazhe me tekst për luftën në Lindjen e Mesme me logon e Berlinales”.

Organizatorët e Festivalit të Filmit në Berlin thonë se kanë ngritur akuza penale kundër hakerëve të paidentifikuar të faqes së tyre në Instagram për postimin e deklaratave që shihen si antisemite dhe nuk përfaqësojnë qëndrimin e festivalit për konfliktin Izrael-Gaza.

Berlinale komentoi gjithashtu ceremoninë e ndarjes së çmimeve të dielën, ku kineastët fitues bënë deklarata në mbështetje të palestinezëve kur pranonin trofetë e tyre, duke theksuar se deklaratat ishin shprehje e opinioneve personale individuale dhe nuk pasqyrojnë qendrimin e festivalit.

Gjithashtu protestat e luftës në Gaza në Berlinale këtë vit ishin veçanërisht të diskutueshme pasi Gjermania vazhdon të merret me Holokaustin e Luftës së Dytë Botërore si një kujtesë e mizorive të tmerrshme të së kaluarës naziste të vendit, e cila u drejtua nga Berlini.

Dhe ndërsa hetimi për postimin e paautorizuar vazhdon, Berlinale do të duhet të merret me ndërlikime te shumta për reputacionin e saj, i cili tani është njollosur.

LEXONI GJITHASHTU:

• Berlinale, pezullohet çmimi “Ariu i Argjendtë Alfred Bauer” pas akuzave për lidhjet e tij me nazizmin
• Regjisori Scorsese do nderohet me “Ariun e Artë” për Arritjet e Jetës, në Berlin