Policia dhe RENEA “blindojnë” Rinasin, kur pritet të mbërrijë Zelensky në Tiranë

Forca të shumta të Policisë dhe RENEA kanë “blinduar” aeroportin Nënë Tereza në Rinas mbrëmjen e sotme.

Këto masa janë marrë pasi rreth orës 23:00 pritet që të mbërrijë në Shqipëri presidenti i Ukrainës, Volodymyr Zelensky.

Zelensky do të marrë pjesë në Samitin për Ukrainën që do të mbahet ditën e nesërme, ku pjesë do të jenë përfaqësues nga vendet e rajonit dhe më gjerë.

Kjo është vizita e parë e presidentit të Ukrainës në vendin tonë, dhe një nga të paktat vizita që Zelensky ka zhvilluar jashtë vendit që nga nisja e luftës me Rusinë dy vite më parë.

Po ashtu, disa akse rrugore do të bllokohen gjatë ditës së nesërme, për të ruajtur perimetrin e sigurisë të Zelenskyt.

• Zelensky vjen në Shqipëri/ Kryeministri Rama zbulon detaje për Euronews Albania
• Nga pritja në Kryeministri te takimi i delegacioneve, detaje nga vizita e Zelenskyt