VIDEO| Zelensky mbërrin në Tiranë, zbret në aeroportin e Rinasit

Presidenti i Ukrainës, Volodymyr Zelensky, ka mbërritur në Tiranë.

Forca të shumta të Policisë dhe RENEA kanë “blinduar” aeroportin Nënë Tereza në Rinas dhe nuk janë lejuar as kamerat e gazetarëve që të filmojnë.

Zelensky do të marrë pjesë në Samitin për Ukrainën që do të mbahet ditën e nesërme, ku pjesë do të jenë përfaqësues nga vendet e rajonit dhe më gjerë.

Kjo është vizita e parë e presidentit të Ukrainës në vendin tonë, dhe një nga të paktat vizita që Zelensky ka zhvilluar jashtë vendit që nga nisja e luftës me Rusinë dy vite më parë.

Po ashtu, disa akse rrugore do të bllokohen gjatë ditës së nesërme, për të ruajtur perimetrin e sigurisë të Zelenskyt.

• A do e shpallë Zelensky nesër njohjen e Kosovës? Ja si përgjigjet Agim Nesho
• Nga pritja në Kryeministri te takimi i delegacioneve, detaje nga vizita e Zelenskyt