Gara për Korçën, kandidatja e PD-së: Lista e selisë blu është pritur mirë nga qytetarët

Kandidatja e Partisë Demokratike në Korçë, Sorina Koti theksoi se fushata për zgjedhjet e 25 prillit po pritet mirë nga qytetarët e këtij qarku.

Ajo u shpreh në Euronews Albania se emrat e prezantuar nga PD-ja për qarkun juglindor janë pritur në mënyrë pozitive nga qytetarët.

“Fushata mund ta them me bindje se është shumë pozitive lista e kandidatëve për deputetë është pritur mirë nga strukturat, por edhe nga vetë qytetarët”, tha ajo.

Mes tjerash znj. Koti thotë se fushata po zhvillohet ndryshe pasi nuk lejohen grumbullimet masive për shkak të epidemisë së Covid-19.

“Na ka bërë më të afërt me njerëzit, pasi ne jemi në çdo moment nëpër rrugët e qytetit, nëpër zonat rurale, por gjithmonë në kontakt shumë të ngushtë. Mbledhim problematikat në këto kontakte, që janë papunësia dhe emigracioni etj”, tha ajo.