Hyn në fuqi lëvizja e lirë e të punësuarve në Shqipëri, Serbi e RMV

Qytetarët e Shqipërisë, të Maqedonisë së Veriut dhe të Serbisë do të munden të jetojnë dhe të punojnë në cilëndo nga tri shtetet, njwsoj sikur të jenë në vendin e tyre.

Në këto tri shtete, më herët ka pasur burokraci të shumta për punonjësit, por tashmë ato nuk ekzistojnë dhe transferimi i punonjësve bëhet pa pengesa.

Pikërisht tri vjet, liderët e vendeve të Ballkanit të Hapur vendosën dhe nënshkruan vendimin për të krijuar qasje të lirë në tregun e punës në Ballkanin Perëndimor.

Përparësitë e lëvizjes së lirë të punëtorëve në rajon janë të shumëfishta, duke filluar nga mundësia e kryerjes së punëve sezonale, përmes uljes së deficitit të profesioneve dhe forcimit të besimit të investitorëve e deri te rritja e sektorëve kyç në ekonomi.

Qasja e lirë në tregun e punës me11 milionë banorë pritet të parandalojë ikjen e mëtejshme të trurit dhe të rinjve nga rajoni duke ofruar mundësi punësimi, por edhe për t’iu përgjigjur kërkesave në rritje për staf cilësor, si të kompanive vendase dhe ndërkombëtare që punojnë në rajon.

Qytetarët e Shqipërisë, të Maqedonisë së Veriut dhe të Serbisë, të cilët dëshirojnë të punësohen në një nga anëtarët e Ballkanit të Hapur ose kanë gjetur tashmë një punëdhënës, duhet të kenë një numër personal identifikimi për të cilin mund të regjistrohen në mënyrë elektronike në disa hapa.

LEXONI GJITHASHTU:

• Eksperti: Pse politika e punësimit në Kosovë është më e mirë se në Shqipëri
• Degët më të zgjedhura në universitet, të rinjtë: Aplikuam aty ku garantohet punësimi