Eksperti: Pse politika e punësimit në Kosovë është më e mirë se në Shqipëri

Eksperti i punësimit, Erjon Muça, ka folur në një lidhje të drejtpërdrejtë, në Euronews Now, për arsyet se pse politikat e Kosovës në tregun e punës kanë përparësi në krahasim me vendin tonë. Sipas tij, faktori i parë është qarkullimi i lartë i euros në Kosovë, ku në vitet e fundit euro ka qenë në nivele të larta.

Së dyti, eksperti përmendi shtimin e remitancave dhe investimet që diaspora e Kosovës bën në vendin e tyre, kryesisht në iniciativa të susksesshme startup-i, të cilat rezultojnë në një bazë të mirë financiare edhe për familjarët që emigrantët kanë lënë pas. Këtë kapital financiar eksperti e sheh si një lehtësi për hapjen e bizneseve, qofshin të mëdha ose të vogla.

“Së treti, janë nivelet më të larta të pagesave për papunësinë krahasuar me Shqipërine, sidomos për të rinjtë. E së fundmi, poltikat që hartohen në Kosovë merren dhe realizohen në mënyrë shumë serioze dhe korrekte, sepse përqëndrohen tek interesi më i lartë, i atyre që janë përfituesit e vërtetë, nga iniciativat që ndërmerren.”-tha eksperti.

Në vazhdim, ai u shpreh se Shqipërisë, në ndryshim ngsa Kosova, i mungojnë instanca të cilat merren me studimin e tregut të punës, në mënyrë që të rinjtë apo grupmoshat e tjera të orientohen më mirë drejt këtij tregu. Si rezultat, nëse kjo arrihet do të mundet që  të ridimensionohet arsimi dhe formimi profesional që në moshë të hershme për të rinjtë.

LEXONI GJITHASHTU:

• Ndërtimi rriti ekonominë në vend, por nuk ndikoi në shtimin e punësimit
• Problematikat dhe sfidat e punësimit të të rinjve në Tiranë