Mitsotakis reagon pas bombës ruse në Ukrainë: Nuk kam frikë

“Ne të gjithë kemi një mesazh për Kremlinin: nuk do të kemi frikë, do të vijojmë të mbështesim Ukrainën dhe qytetarët e saj të guximshëm për aq kohë sa duhet”.

Kështu theksoi kryeministri grek Kyriakos Mitsotakis, duke folur në konferencën e Partive Popullore Evropiane, një ditë pas sulmit me raketa balistike ruse në Odesa, ku ai ishte për një vizitë me presidentin Zelensky.

Ai u ndal edhe në sulmin ndaj autokolonës në të cilën ai po kalonte për të takuar presidentin Zelensky në Odesa.

“Ne nuk do të kemi frikë, ne do të vijojmë të mbështesim Ukrainën dhe qytetarët e saj të guximshëm për aq kohë sa duhet. Dhe ne mbetemi të bashkuar për këtë çështje”, tha ai, duke bërë të qartë se nuk do të tolerohet asnjë ndryshim kufiri në Europë.

LEXONI GJITHASHTU:

• Sulmohet autokolona e Zelenskyt, 150 metra larg delegacionit ku ndodhej Mitsotakis
• Samiti për Ukrainën, Mitsotakis nuk vjen në Tiranë! Si do përfaqësohet Greqia