2024 mund të jetë viti i fundit për Ricciardo-n në Formula 1

Daniel Ricciardo e pranon se viti 2024 mund të jetë sezoni i fundit në Formula 1. Kjo pas startit të dobët që e la pas Tsunoda’s dhe deklaratave të ish kampionit të vitit 1980, Alan Jones të mbështetura nga këshilltari Dr Helmut Marko.

Të dy mbështesin Liam Lawson si zëvendësues të Ricciardo-s nëse 34-vjeçari australian nuk do të përmirësojë rezultatet në RB Visa cash. I pyetur nga media në Melbourne, Ricciardo konfirmoi: “Nuk mendoj përtej këtij viti”.

I mbështetur nga boss Christian Horner, Ricciardo u kthye në familjen e pijeve energjike me objektiv ribashkimin me Max Verstappen në skuadrën e 1-rë.

Por problemet aktuale që rikthejnë kujtimet e vitit të pasuksesshëm 2022 te McLaren e “largojnë” sërish nga pista. Australiani thotë se çdo garë e përjeton dhe përqendrohet njësoj si një dekadë më parë për të provuar edhe një herë cilësitë që zotëron.

“Pavarësisht nëse do të jetë apo jo viti im i fundit, dua të mos mungojë asgjë nga unë. Do të jem apo jo këtu, është një eksperiencë që e provova edhe 18 muaj më parë”, përfundoi australiani.

LEXONI GJITHASHTU:

• Nga futbolli në Formula 1, Gasly investon te FC Versaille
• Pikëpyetjet e garës australiane në Botërorin e Formula 1