‘Greqia, një histori e përmbledhur’/ Promovohet botimi i 4-të me autor Richard Clogg

Nën organizimin e Institutit për Studime Ndërkombëtare, u promovua libri ‘Greqia.

Një histori e Pwrmbledhur’ i autorit Richard Clogg, i cili vizitoi për herë të dytë Shqipërinë për të qenë pjesë e këtij promovimi.

Tani i ribotuar në një botim të katërt, të përditësuar, ky libër ofron një hyrje të përmbledhur dhe të ilustruar në historinë moderne të Greqisë, që nga lëvizjet e para të lëvizjes kombëtare në fund të shekullit të tetëmbëdhjetë e deri në ditët e sotme.

‘LIbri ofron një pasqyrë koncize dhe gjithëpërfshirëse të historisë moderne greke, zhvillimit politik dhe zhvillimeve shoqërore në Greqi.

Ne zgjodhëm ta përkthejmë këtë botim në gjuhën shqipe, sepse i ofron publikut shqiptar mundësinë për të njohur dhe kuptuar më mirë Greqinë nëpërmjet rishikimit historik të ngjarjeve kryesore dhe historisë së saj moderne dhe bashkëkohore.’

Libri përfshin ilustrime shtesë, së bashku me tabela të përditësuara dhe sugjerime për lexim të mëtejshëm.

‘Greqia është një fqinj shumë i rëndësishëm i Shqipërisë, dhe padyshim është një gjë e mirë që shqiptarët të dinë pak nga historia e Greqisë. Ndonjëherë kjo ka qenë mjaft e vështirë, por njohja e mirë dhe e fortë e historisë së Greqisë dhe Shqipërisë është e rëndësishme për botën.

Dy vendet tashmë kanë vendosur demokracinë dhe marrëdhëniet duhet të mbeten të mira.’

Richard Clogg ka qenë Ligjërues i Historisë Moderne Greke në Shkollën e Studimeve Sllave dhe të Evropës Lindore dhe King’s College, Universiteti i Londrës, Lexues i Historisë Moderne Greke në King’s College, Londër dhe profesor i Historisë Moderne të Ballkanit në Universitetin e Londrës.

Ai ka shkruar gjerësisht për historinë dhe politikën greke nga shekulli i tetëmbëdhjetë e deri më sot.

LEXONI GJITHASHTU: 

• Heroi i legjioneve të fansave sot do të festonte 64-vjetorin
• “Do justifikoj besimin e votuesve”, Putin: Rusia në epokë historike