Radikalët mblidhen në Itali, KRE: Zgjedhjet e ardhshme evropiane moment historik

Publikimi i Kartës së vlerave konservatore, e frymëzuar nga trashëgimia e Shën Benediktit, ishte në fokus të një eventi të organizuar nga grupi i Konservatorëve dhe Reformistëve Evropianë në Subiako të Italisë.

Vendi ku ndodhet manastiri i shenjtorit u zgjodh për të vënë në dukje rëndësinë e rolit të Benediktit në ruajtjen e traditave, të cilave u referohen konservatorët. Dhe, kur zgjedhjet evropiane ndodhen tek qoshja, rritja e mbështetjes për ta duket se përkon me këtë ide.

“Gabimet që janë bërë nga institucionet e BE-së në 5 vitet e fundit kanë shkaktuar një reagim armiqësor. Më në fund po mbizotëron një qëndrim i unifikuar, diçka që e kemi parë të ndodhë në të gjitha zgjedhjet kombëtare të zhvilluara në 5 vitet e fundit”, tha Nicola Procaccini, bashkëkryetar i KRE-së nga Vëllezërit e Italisë.

Eventi u ndoq nga anëtarë të ndryshëm të konservatorëve evropianë, përfshirë një delegacion të partisë radikale spanjolle, Voks, që deklaroi se tejkalimi i dallimeve do përforcojë grupin.

“Ne mund të bashkojmë shumë parti që kanë dallime. Nëse ndajmë të njëjtat vlera, ne mund të bashkëpunojmë dhe të bëhemi grupi më i fortë në Parlamentin Evropian, në mos në këtë legjislaturë, në tjetrën”, u shpreh Jorge Buxadé, nënkryetar i KRE-së nga partia VOX.

Sipas bashkëkryetarit të KRE-së, gjetja e terrenit të përbashkët është i mundur edhe me partinë e kryeministrit hungarez Viktor Orban.

“Ai ka aprovuar të gjitha sanksionet që janë vendosur ndaj Rusisë dhe ka mbështetur asistencën financiare për qytetarët ukrainas. Natyrisht, ai ka këndvështrimin e vetë për disa çështje, por ka treguar se qasja e tij përputhet me sistemin evropian. Sot, ata që duan ta demonizojnë e bëjnë këtë për të dobësuar kundërshtarin dhe për të fituar”, tha Nicola Procaccini, bashkëkryetar i KRE-së nga Vëllezërit e Italisë.

Por mbi të gjithë, euro-deputetët nga Vëllezërit e Italisë mendojnë se zgjedhjet e ardhshme evropiane janë një moment historik për Italinë. Kjo, falë rolit të brendshëm dhe ndërkombëtar të kryeministres Meloni.

LEXONI GJITHASHTU:

• Turizmi dimëror në Shqipëri/ Rritje 50%, italianët dhe polakët të parët në listë
• Avokati shqiptar në Itali: Pse 20-30 vjeç është mosha më e mirë për t’u bërë prind