Turizmi dimëror në Shqipëri/ Rritje 50%, italianët dhe polakët të parët në listë

Numri i turistëve që kanë vizituar vendin tonë gjatë dimrit është rritur me 50 %, krahasuar më një vit më parë. Polonia dhe Italia janë në krye të listës për numrin e lartë të vizitorëve.

Shqipëria është kthyer në një destinacion turzimi jo vetëm gjatë verës por dhe në dimër. Numri i lartë i turistëve është çdo vit e më shumë në rritje.

Shtetasit nga Polonia dhe Italia, janë në besnikët në këtë dimër, për numrin me të lartë të vizitorëve të huaj. Të dhënat tregojnë se numri i turistëve italianë është rritur me të paktën 50% në janar 2024 krahasuar me janar 2023 ndërkohë që numri i turistëve polakë ka shënuar rritje me të paktën katër herë. Shifra zyrtare e atyre që cilësohen si turistë sipas publikimit të Ministrisë së Turizmit dhe mjedisit është 469 mijë.

Rritje kanë pasur dhe nga shqiptarët e Kosovës, të cilët janar 2024 kanë hyrë rreth 216 mijë shtetas me një rritje prej rreth 30% krahasuar me të njëjtën periudhë të një viti më parë.

Maqedonia e Veriut, ka pasur dhe ajo një rritje me 9% në raport me janarin 20236, si dhe nga Mali i Zi me të paktën 32.6%.

Agjensitë turistike raportojnë se sezoni veror pritet të jetë i mbarë pasi rezervimet për Shqipërinë nga turistët e huaj kanë nisur prej disa muajsh.

LEXONI GJITHASHTU: 

• Rusia paralajmëron bankat perëndimore për ‘pasoja’ mbi konfiskimin e aseteve
• Eksperti Kulla: Shenjat që tregojnë se Serbia po përgatitet për luftë në Kosovë