Avokati shqiptar në Itali: Pse 20-30 vjeç është mosha më e mirë për t’u bërë prind

Avokati Gentian Alimadhi është shprehur se mosha20-30 vjeç, është mosha më e mirë për t’u bërë baba dhe nënë.

Komentet Alimadhi i bëri në emisionin “Good Morning Albanians” në Euronews, ku tha se gjatë kësaj moshe, është koha perfektë për të arritur në fertilizim.

Ai tha gjithashtu se përgjatë këtyre 30 viteve, është rritur shumë mosha në të cilën njerëzit vendosin të bëhen prind, kjo për shkak të disa faktorëve të jashtëm, siç janë ekonomia, faktorët biologjik, etj.

“Unë si italian gati 36 vjeç më kapi fëmija i parë. Trendi po rritet akoma më shumë. Nëse në vitet 90 mosha mesatare për t’u bërë baba ishte 25-vjeç, mendoj se pas 30 vitesh kemi një rritje domethënëse përmbi 11 vite të kësaj moshe. Faktorët janë të shumtë, ekonomik, kulturor, biologjik, i zgjatjes së jetës.

Ne gënjejmë veten kur themi se duke u zgjatur jeta, mund të bëhem baba edhe më vonë. Por janë disa faza biologjike që nuk mund të shtyhen. Nëse mosha perfekte për të riprokureuar, për të arritur në fertilizim është 20-30 vjeç, si për gratë dhe për burrat. Italianët ankohen se thonë që skemi kohë, nuk kemi mundësi ekonomike”, tha Alimadhi.

LEXONI GJITHASHTU:

• Asnjë rast me fruth në Sarandë/ Mjekët: po rritet ndërgjegjësimi i prindërve
• Franca do japë 6 muaj leje lindjeje për secilin nga prindërit