Iu gjetën armë zjarri e municione në banesë, arrestohen babë e bir

Dy persona, babë e bir janë arrestuar nga policia e Tiranës me akuzën e armëmbajtjes pa leje.

Në kuadër të operacionit të koduar “Home” u vunë në pranga shtetasit  K. H., 21 vjeç, dhe I. H., 42 vjeç, (babë e bir), të dy banues në Vaqarr.

Policia tha se shtetasit K. H., gjatë kontrollit fizik, shërbimet e Policisë, i gjetën një mjet prerës thikë, dhe në vijim të veprimeve, gjatë kontrollit të banesës së babait të tij, gjetën dhe sekuestruan në cilësinë e provës materiale, një armë zjarri dhe sasi municioni luftarak.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU:

• Trafikonin emigrantë kundrejt fitimit, arrestohen në flagrancë dy persona
• Sekuestrohen 10 kg kanabis në Tiranë, arrestohen 3 persona