Sekuestrohen 10 kg kanabis në Tiranë, arrestohen 3 persona

Tre persona janë arrestuar në Tiranë, pasi janë kapur me lëndë narkotike.

Policia bën me dije se në kuadër të operacionit policor të koduar “Four” në pranga kanë rënë Ll. D., 31 vjeç, L. S., 40 vjeç, dhe Xh. M. (L)., 30 vjeç.

Shtetasi Ll. D., është konstatuar nga shërbimet e Policisë në rrugën “Rexhep Tarja”, dhe gjatë kontrollit fizik të tij, shërbimet e Policisë, i gjetën sasi lënde të dyshuar narkotike kanabis.

Në vijim të veprimeve, gjatë kontrollit të banesës, ku u gjetën shtetasit L. S., dhe Xh. M. (L)., shërbimet e Policisë, gjetën dhe sekuestruan në cilësinë e provës materiale, dy thasë të zinj me lëndë të dyshuar narkotike kanabis me peshë 10 kg.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHAHSHTU: 

• U përfshi në aksident, ndërron jetë turisti francez. Arrestohet shoferi që u arratis
• Humbën jetën 26 persona, sot 16 vite nga shpërthimi në Gërdec