U përfshi në aksident, ndërron jetë turisti francez. Arrestohet shoferi që u arratis

Ka ndërruar jetë në spitalin e Traumës shtetasi francez i cili mbrëmjen e të enjtes u përfshi në një aksident automobilistik në aksin Lezhë-Laç.

Francezi nuk mundi dot t’i mbijtonte plagëve të marra dhe ndërroi jetë në spital pavarësisht ndihmës së mjekëve.

Policia bën me dije se ka mundur të arrestojë 23-vjeçarin i cili drejtonte automjetin tjetër që u përplas me automjetin që drejtohej nga shtetasi francez.

Fillimisht 23-vjeçari Samuel Çela u largua nga vendi i aksidentit, por u ndalua më pas nga uniformat blu për veprat penale “Shkelja e rregullave të qarkullimit rrugor” dhe “Largimi nga vendi i aksidentit.

Njoftimi i i policisë:

Aksidentoi me automjetin e tij, automjetin që drejtohej nga një shtetas francez, dhe u largua nga vendi i aksidentit, identifikohet, kapet dhe vihet në pranga 23-vjeçari.

Për shkak të dëmtimeve, shtetasi francez humbi jetën në spital.

Specialistët e Sektorit të Policisë Rrugore të DVP Lezhë arrestuan në flagrancë shtetasin:

S. Ç., 23 vjeç, banues në Fushë Kuqe, për veprat penale “Shkelja e rregullave të qarkullimit rrugor” dhe “Largimi nga vendi i aksidentit.

Shtetasi francez është dërguar në Spitalin e Traumës, por për shkak të dëmtimeve të rënda ka humbur jetën.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Aksident i rëndë në Durrës, 3 persona dërgohen në spital në gjendje kritike
• Aksidenti në aksin Kardhiq-Delvinë, raportohet për një shtetas ukrainas të vdekur