Aksident i rëndë në Durrës, 3 persona dërgohen në spital në gjendje kritike

Një aksident i rëndë rrugor është regjistruar pak minuta më parë në autostradën Durrës-Tiranë.

Në afërsi të Urës së Dajlanit një automjet, i drejtuar nga një i ri, ka dalë nga rruga dhe është përplasur me një pikë karburanti.

Sikundër duket nga pamjet e siguruara nga “EuroNews Albania” përplasja ka qenë shumë e fortë e mjeti është dëmtuar rëndë.

Si pasojë, 2 vajza dhe një djalë kanë mbetur të plagosur rëndë dhe janë transportuar në spital, ndërsa ka mbetur ende brenda në makinë shoferi.

Forcat zjarrfikëse dhe policia po presin me sharrë automjetin për të bërë të mundur nxjerrjen e të riut, i cili ka shfaqur shenja jete.

LEXONI GJITHASHTU:

• VIDEO| Aksidenti me disa të plagosur në Durrës, shpëtohet pas 1 ore shoferi
• SHBA: Shqetësimet për lidhjet e Hungarisë me Rusinë s’mund të injorohen