Rithemelimi përkujton 26 Marsin në Kavajë, Bardhi: Është koha të bëhemi bashkë

Deputetë të PD-së, anëtarë të Rithemelimit kanë qenë sot në Kavajë në përkujtimin e demonstratës së parë antikomuniste në Shqipëri, në 26 Mars 1990.

Përmes një postimi në rrjetet sociale, kreu i Grupit Parlamentar të PD-së, Gazment Bardhi, është shprehur se Shqipëria po kalon momente të vështira dhe të ngjashme me atë për të cilën u ngritën të parët qytetarët e Kavajës.

Prandaj sipas tij, është koha që qytetarët shqiptarë të bëhen bashkë dhe të risjellin ndryshimin. Ata kanë nderuar edhe figurën e dëshmorit të parë të demokracisë Josif Buda.

Reagimi i plotë i Gazment Bardhit:

Më 26 mars 1990, në Kavajë u zhvillua demonstrata e parë antikomuniste në sheshet dhe rrugët e një qyteti që nuk i nënshtrohet kurrë padrejtësive. Leksionin e asaj dite e kanë dhënë sa herë Shqipëria ka patur nevojë. Liria dhe guximi i bashkëqytetarët e mi është shenjuar në histori si vlerë që do të trashëgohet brez pas brezi. Krenar për gurët e parë që ky qytet ka vendosur në monumentin e demokracisë 34 vjeçare të Shqipërisë.

Shqipëria po kalon momente të vështira dhe të ngjashme me atë për të cilën u ngritën të parët qytetarët e Kavajës. Është koha që qytetarët e ndershëm në gjithë Shqipërinë, të bëhen bashkë, të mospajtohen me padrejtësinë dhe keqqeverisjen 11 vjeçare të Edi Ramës dhe të sjellin ndryshimin njëlloj si 34 vjet më parë.

LEXONI GJITHASHTU:

• “Zbatoni vendimin e Kushtetueses për Olta Xhaçkën”, Bardhi kërkesë Kuvendit
• Kulluri ironizon Bardhin: U përqafua me shokët dhe shoqet socialistë