Edicioni i 20 i “Marie Kraja’’/Rikthehet në 27-29 mars në Teatrin Kombëtar të Operas

Rikthehet në datat 27, 28 dhe 29 Mars 2024 në skenën e Teatrit Kombëtar të Operas dhe Baletit, Festivali Ndërkombëtar i Vokalit Operistik “Marie Kraja”.

Rikthehet në datat 27, 28 dhe 29 Mars 2024 në skenën e Teatrit Kombëtar të Operas dhe Baletit, Festivali Ndërkombëtar i Vokalit Operistik “Marie Kraja”.

Edicioni i 20 i Festivalit do të zhvillohet në tri net, ku në natën e parë talentet e rinj të operas do të interpretojnë në skenën e TKOB përballë Jurisë Ndërkombëtare, dhe dy net koncertore për t’u shijuar në sallën e Teatrit të Operës dhe Baletit.

Juria ndërkombëtare edhe këtë vit, është e përbërë nga personalitete të njohura operistike botërore dhe kryesohet nga sopranoja Italiane Cecilia Gasdia, të cilët do të përzgjedhin fituesit mes 16-të zërave operistikë nga e gjithë bota.

Rikthehet këtë vit si moderatore dhe interpretuese e festivalit sopranoja Enkeleda Kamani, por do te performojne gjithashtu shume emra të njohur të muzikës shqiptare, si Eneda Tarifa, Kamela Islamaj, Venera Lumani, Elhaida Dani.

Festivali Ndërkombëtar i Këngëtarëve Operistik “Marie Kraja” u inicua në vitin 1999 nga zonja Zana Çela, dhe është i vetmi event në Shqipëri që synon të promovojë dhe zhvillojë talentet në një konkurs të standardeve artistike ndërkombëtare.

LEXONI GJITHASHTU:

• Festa kombëtare e Greqisë, ambasadorja: Miqësia e 2 popujve, duhet më shumë se kurrë
• Asociacioni e zgjedhjet në SHBA, mund të çojnë në zgjedhje të parakohshme në Kosovë