Petrit Vasili: Rama po i shpenzon paratë e shqiptarëve për të bërë show

Nënkryetari i Lëvizjes Socialiste për Integrim, Petrit Vasili në një komunikim me mediat ditë e sotme akuzoi kryeministrin Edi Rama se po shpërdoron detyrën duke i shpenzuar paratë e shqiptarëve për të bërë show.

Sipas tij kryeministri është përgjegjës për keqmenaxhimin e pandemisë dhe gjendjen në të cilën kurohen sot pacientët me COVID-19.

Z. Vasili akuzoi kreun e qeverisë si fajtor për largimin masiv të shqiptarëve dhe sidomos të rinjve, duke e shndërruar Shqipërinë në një vend që për shkak të këtyre largimeve masive, t’i vihet në diskutim edhe regjimi i vizave.

“Shqiptarët në 25 prill do të marrin pjesë në një referendum që i bën të jenë të barabartë në shtëpinë e tyre.

Sot shqiptarët ndihen të pabarabartë, sepse në vend ka një drejtësi që kriminelët nuk dënon dhe shqiptarët e thjeshtë i fut në burg”, tha mes të tjerash nënkryetari i LSI.