Sonte pas mesnate ndërrohet ora, ja si do të lëvizin akrepat
Sot pas mesnate do të ndërrohet ora dimërore. Ndërrimi i orës bëhet në orën 02:00 të mëngjesit, kur akrepat e orës do të lëvizin një orë përpara.
Në këtë mënyrë do të humbasim një orë gjumë dhe kështu lëvizja e akrepave do të ndikojë në trupin tonë, por do të shijojmë një orë më shumë dritë. Sipas llogaritjeve, ndërrimi i orës do të bëhet përsëri në fundjavën e fundit të tetorit, natën ndërmjet të shtunës 26 dhe të dielës 27 tetor.
Disa orë, si ato në pajisjet teknologjike, do të ndërrohen automatikisht. Por për pajisjet e vjetra që nuk janë të lidhura me internetin, duhet t’i lëvizni manualisht para se të shkoni në shtrat sonte në mbrëmje.
Zgjimi një orë më herët se zakonisht mund të prishë ritmin tonë ose orën natyrale 24-orëshe të trupit dhe të na bëjë të ndihemi të përgjumur dhe të çorientuar.
Sonte duhet të shkojmë në shtrat një orë më herët, në mënyrë që të zvogëlojmë mundësinë e gjumit të dobët. Në një studim të botuar në revistën Sleep Science and Practice, gati 14% e njerëzve thanë se flinin më keq gjatë dy javëve pas ndërrimit të orës.
Ne të gjithë mbështetemi te drita e ditës dhe natës për t’i sinjalizuar trupit tonë se kur është koha për t’u zgjuar dhe për të fjetur, kështu që edhe ndryshimet delikate mund të prishin ritmin qarkullues që rregullon pushimin tonë.
LEXONI GJITHASHTU:
Vrasja e policit në Korçë, kush është autori dhe si hapi zjarr ndaj efektivëve pasi i pikasi
Vritet një polic gjatë një operacioni në Maliq, plagoset një tjetër
Mot i keq në Shkodër, autoritetet apel qytetarëve: Shmangni zonat me risk
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet
- 08:22 Kim Jong Un bëri thirrje për zgjerimin eksponencial të arsenalit bërthamor të Koresë së Veriut