Risitë për 25 prillin, kandidatja Dajko tregon si u bë pjesë e listës së PS-së

Një ndër risitë e listës së PS-së për zgjedhjet e 25 prillit është edhe kandidatja e qarkut të Korçës, Dhora Dajko.

Kjo e fundit është kandidatja e dhjetë në listën e qarku Korçë që garon nën siglën e PS-së.

Në një intervistë për Euronews Albania kandidatja tregoi se u bë pjesë e listës së PS-së nëpërmjet platformës “Deputeti që Duam”.

Ajo u shpreh se që prej vitit 2013 i ka besuar votën Partisë Socialiste.

Ndërkohë në vitin 2014 konkurroi për të marrë drejtimin e Forumit Rinor Eurosocialist dhe që prej këtij viti drejton forumin rinor të PS-së në bashkinë e Maliqit.

Kandidatja tregoi nëse merr mandatin do të nxisë punësimin tek te rinjtë dhe sipërmarrjen rinore.

“PS është e vetmja parti që është progresiste dhe iu ka dhënë hapësirën e duhur vajzave dhe grave, duke i vendosur për pozicione drejtuese”, u shpreh ajo.