Bullizmi dhe në shkolla/ ISHP: 1 në 4 fëmijë 11 vjeç përfshihen në grindje fizike

Bullizmi online po kthehet në një fenomen shqetësues tek adoleshentët. Studimi i fundit mbi format e ndryshme të dhunës tek grupmoshat 11-13 dhe 15 vjeç, i kryer në 44 shtete të Evropës përshirë edhe Shqipërinë  ka nxjerr në pah se bullizmi rritet me moshën.

Në një intervistë për Euronews Albania udhëheqësja e studimit për Shqipërinë Genta Qirjako shprehet se aksesi më i madh në rrjetet sociale ka çuar në këtë situatë.

“Në përgjithësi grindjet fizike dhe bullizmi është stabël ajo që vihet re është një rritje e bullizmit online. 13% e djemve 11 vjeç dhe 22% e djemve 15-vjeçar janë bullizuar . vajzat janë  7% 11 vjeç, 10% 13 vjeç dhe 9% 15 vjeç”,-tha Genta Qirjako, specialiste e ISHP.

Karakteristik e veçantë për Shqipërinë janë grindjet fizike tek fëmijët që  kanë një kah të kundërt me trendin europian.

 “Që do të thotë fëmijët më të vegjël kanë përqindjen më të lartë të përfshirjes në grindje fizike se më të rriturit. Aktualisht 1 në 4 fëmijë 11 vjeç ka raportuar se është përfshirë në grindje fizike krahasuar më 1 në 10 në moshën 15 vjeç”,- tha Genta Qirjako, specialiste e ISHP.

Ekspertët kanë bërë një rankim të vendeve, sa i takon bullizmit ndaj të tjerëve Shqipëria renditet e 23-ta për 11-vjeçarët , e 13-ta për 13-vjeçarët dhe e 8-ta për 15-vjeçarët. Për bullizmin online e 20- ta  për 11-vjeçarët, e 12-ta për 13-vjeçarët dhe e  7- për 15-vjeçarët.  Dhe kur flitet për grindjet fizike vendi ynë renditet i 4-ti për 11-vjeçarët dhe i 8 për 15-vjeçarët.

LEXONI GJITHASHTU:

• Bullizmi online, Dine: Fenomeni në rritje, në 2023 kemi 160% më shumë raportime
• “Adoleshenti tentoi disa herë vetëvrasjen”, Hazizaj: Pasojë e bullizmit ekstrem