Lutfi Haziri zyrtarizon kandidaturën për kryetar i LDK-së

Lutfi Haziri ka zyrtarizuar kandidaturën e tij për kryetar të Lidhjes Demokratike të Kosovës.

Gjatë prezantimit të tij, Kryetari i Komunës së Gjilanit  tha se nuk i konsideron rival politik dy kandidatët e tjerë, Anton Quni dhe Lumir Abdixhiku, të cilën synojnë të udhëheqin LDK-në.

Haziri foli dhe për Vjosa Osmanin, për të cilën deklaroi se ka ardhur koha të kthehet sërish në parti.

Zgjedhjet në LDK erdhën pas dorëheqjes së Isa Mustafës.

Mustafa u largua nga drejtimi i partisë, pas rezultatit të dobët të LDK-së në zgjedhjet parlamentare të 14 shkurtit.

Lidhja Demokratike e Kosovës është themeluar më 1989 dhe që atëherë ka pasur tre kryetarë: Ibrahim Rugovën (bashkëthemelues i partisë), Fatmir Sejdiun dhe Isa Mustafën.