A do të shuhej nevoja për bashkim nëse integrohemi në BE ? Gjetjet e Barometrit

Barometri ka shkuar më tej në hulumtimin e mendimit të qytetarëve shqiptarë në Shqipëri dhe në Kosovë për të marrë mendimin e tyre për bashkimin kombëtar në raport me integrimin në BE.

Pyetja e radhës ka qenë “nëse Kosova dhe Shqipëria do të anëtarësohen në Bashkimin Europian, a mendoni se do të shuhej nevoja për Bashkimin kombëtar?”

Rezultati i anketës thotë se shumica e qytetarëve në Shqipëri dhe në Kosovë mendojnë që integrimi në Bashkimin Europian i Shqipërisë dhe i Kosovës nuk do të shuante nevojën për Bashkim Kombëtar mes dy shteteve.

Ata janë 50,4 % e të pyeturve në Shqipëri dhe 60,9 % e të pyeturve në Kosovë.

Përqindja më e ulët në këtë rezultat të pyetjes është e atyre që mendojnë se “PO”, integrimi në BE do ta shuante nevojën për bashkim.

Ata janë 35,5 % e të pyeturve në Shqipëri dhe 28% e të pyeturve në Kosovë.

LEXONI GJITHASHTU: 

• Turizmi nxit çeljen e bizneseve/ Gjirokastër, kryesojnë shërbimet dhe akomodimet
• Zjarri në godinën historike, Tare: Çfarë pashë, pse godina u la qëllimisht të digjej