Bilbao triumfon në finale/ Baskët sigurojnë trofeun pas ekzekutimit të penalltive

Atheltic Bilbao nuk ka zhgënjyer në finalen e kupës së mbretit në Spanjë, duke ngritur lart trofeun për herë të 24-të në histori.

Skuadra e Ernesto Valverdes regjistron një ecuri fantastike në këtë trofe, pasi ka eliminuar në fazat e mëparshme ekipe si Barcelona apo Atletico Madrid. Në Sevija, baskët zhvilluan një ndeshje pozitive, dukshëm më mirë se kundërshtari, por me disa raste të shpërdoruara.

Në minutën e 21’ Rodriguez kaloi në avantazh Majorkan pas një gjuajtje nga brenda zone, me topin që u ndal në rrjetë. Në fraksionin e dytë, poas 5 minutash lojë Sancet riktheu ekuilibrat. Koha e rregullt u mbyll në barazpeshë, bashkë me kohën shtesë, ndërsa u desh ekzekutimi i 11metërshave për të shpallur fituesin.

Tek Bilbao realizuan të gjithë lojtarët, ndërsa ndërsa tek Majorka Morlanes dhe Radonjic. Athletic Bilbao fiton kështu edicionin e dytë të Copa del Rey në 4 të zhvilluara, ndërsa është i 24-ti në historinë e këtij kompeticioni. Sa i përket Majorkas kjo është finalja e katërt e humbur, ndërsa numërojnë vetëm një trofe të fituar.

LEXONI GJITHASHTU: 

• Irani kërcënon Izraelin/ Zyrtari i Teheranit: Asnjë ambasadë nuk do të jetë e sigurt
• Netanjahu: Izraeli nuk do të pranojë armëpushim pa u liruar pengjet në Gazë