Zgjedhjet në Preshevë, analisti Saliu: Partitë të detyruara të bashkëpunojnë me njëra-tjetrën për të formuar shumicën

Analisti Muharrem Saliu u shpreh në Euronews Albania se në Preshevë duhen 20 ulëse për të formuar shumicën për një qeverisje lokale.

Duke parë rezultatin e zgjedhjeve ai tha se partitë politike do të jetë të detyruara që të bashkëpunojnë me njëra-tjetrën për të formuar shumicën qeverisëse.

“Synimet i kanë të vështira për t’i realizuar ato sepse jetojnë një shtet kur interesat e komunitetit tonë nuk përputhen me interesat e pushtetit qendror”, tha më tej zoti Saliu.

Ai theksoi se partitë shqiptare “lehtësisht po përdoren nga pushteti qendror”.

Në zgjedhjet që u zhvilluan në Preshevë, Partia “Aleternativa për Ndryshim” e Shqiprim Arifit kryesoi me 14 këshilltarë, ndërsa në vend të dytë Partia Demokratike Shqiptare e Ragmi Mustafës me 9 këshilltarë.

Partia “Për veprim Demokratik” ka dalë  e treta me 7 këshilltarë.

Sami Salihu me Lëvizjen për Reforma ka marrë 5 këshilltarë, Unioni Demokratik Shqiptar 1 këshilltar ndërsa partitë serbe 2 këshilltarë.

Lexoni gjithashtu:

Zgjedhjet në Preshevë, prin Alternativa për Ndryshim e Shqiprim Arifit