Shkrumbohet automjeti në ecje në Korçë, dyshimet e para

Një automjet që lëvizte nga Erseka në Korçë është shkrumbuar plotësisht ditën e sotme.

Në automjet kanë qenë duke udhëtuar një burrë se bashku me djalin e tij dhe një të afërm, kur mjeti në majë të Qafës së Qarrit është përfshirë nga flakët.

Në momentin që mjeti ka shpërthyer në flakë drejtuesi i mjetit se bashku me mikun e tij dhe djalin kanë arritur të dalin në kohën e duhur nga mjeti i cili brenda pak minutash është djegur i gjithi.

Burime pranë vendit të ngjarjes thanë se gjithçka ka ardhur pas një defekti elektrik në mjetin ku po udhëtonin 3 persona.

Nga flakët e automjetit është djegur një sipërfaqe e pyllit buzë rrugës aq sa është dashur ndërhyrja e mjeteve zjarrfikëse për të izoluar flakët.

Policia në vendngjarje po heton për shkakun e zjarrit.

LEXONI GJITHASHTU:

• Digjet makina e drejtoreshës së Tatimeve në Bashkinë e Vlorës
• RMV| Zjarr në godinën simbol të Shkupit, digjet ‘Salla Universale’