Dështon Komisioni Hetimor për Sterilizimin, PS bojkoton sërish

Mbledhja e Komisionit Hetimor për Sterilizimin dhe Check-Up-in, e planifikuar për këtë të premte, ka dështuar sërish të mblidhet.

Shkak është bërë mungesa e deputetëve të PS në mbledhjen e thirrur nga kryetarja e komisionit Albana Vokshi.

Pas konstituimit Komisionin Hetimor për Shëndetësisinë, ka dështuar të mblidhet gjatë 4 mbledhjeve të fundit për shkak të mungesës së deputetëve të maxhorancës në seancë.

Dy mbledhjet e vetme të zhvilluara deri më tani janë shoqëruar me tensione mes deputetëve të PS dhe atyre të opozitës.

Deputetit socialist Petro Koçi, deklaroi të enjten në Kuvend se socialistët nuk shkojnë në Komisionin Hetimor për shkak të arrogancës dhe mungesës së etikës nga drejtuesja e komisionit Albana Vokshi.

Ndërkohë kjo e fundit e ka cilësuar bojkotin e maxhorancës në mbledhje si një ‘shkelje flagrante të rregullores së Kuvendit’.

Në një deklaratë pas dështimit të mbledhjes Vokshi tha:

“Me kërkesë të anëtarëve të opozitës kemi kërkuar mbledhjen ditën e sotme. Për herë te 4-të anëtarët e mazhorancës bojktuan mbledhjen. Sot kemi punuar me deputetët dhe ekspertët ligjor për të pasqyruar të gjithë punën e komisionit”.

LEXONI GJITHASHTU:

• “Po shkelni etikën!” Vokshi debat me Ndrecën në komision: Ndalni shantazhin
• Nis Komisioni Hetimor për Sterlilizimin, Vokshi: Mos u bëni mburojë e korrupsionit