“Po shkelni etikën!” Vokshi debat me Ndrecën në komision: Ndalni shantazhin

Komisioni hetimor për Shëndetësinë i cili po zhvillohet këtë të martë ka nisur me debate mes socialistëve dhe demokratëve.

Socialistët kanë kërkuar që kryetarja e komisionit Albana Vokshi të jetë ajo që informon Sekretarin, por Vokshi e ka konsideruar këtë si përpjekje për të monopolizuar drejtimin e komisionit.

Gjatë debatit, Plarent Ndreca ka akuzuar kryetaren Vokshi se po thyen Kodin e Etikës.

Pjesë nga debati:

“Tendenca e komisionit duhet të jetë zbatimi i ligjit. Më vjen keq që kryetarja vijon me konferencat për shtyp që nuk i shërbejnë kësaj pune. Më vjen keq dhe nuk po krijojmë dot komunikim me njëri-tjetrin”,-tha deputeti socialist Ndreca.

“Unë të informoj sekretarin? Mendoni se do monopolizoni drejtimin e komisionit me sekretarin? E mbani veten për jurist. Ndryshe hajde e ikim të gjithë se të gjitha punët i bëka sekretari. Ligji do zbatohet pikë më pikë. Sekretari është për çështje administrative. Ndalojini shantazhet”,-tha Albana Vokshi.

“Po thyeni etikën! Për çdo vendimmarrje të komisionit, sekretari ka përgjegjësinë për t’iu komunikuar çdo vendimmarrje e komisionit. Këto janë gjera bazike. Ka dhe nënkryetarë dhe anëtarë”,-tha Ndreca.

LEXONI GJITHASHTU:

• Mbahet takimi i Nënkomisionit për Drejtësi, Liri dhe Siguri mes BE-së dhe Shqipërisë
• Çuçi: Mendësia e opozitës dështoi komisionin e reformës zgjedhore