Çuçi: Mendësia e opozitës dështoi komisionin e reformës zgjedhore

Kreu i grupit parlamentar të Partisë Socialiste, Bledi Çuçi tha se komisioni bipartizan i reformës zgjedhore mbase nuk do të ketë një produkt përfundimtar.

Kjo sipas tij vjen pasi opozita ka dorëzuar një draft në komision, për të cilin nuk ka negociuar, por ka pritur të miratohet pa ndryshime. Ai tha se kjo mendësi e opozitës ka bërë që reforma të dështojë.

“Sot mbaron afati i komisionit dhe për fat të keq po presim produktin përfundimtar, nga deklarimet e Alibeajt duket se nuk do të ketë një produkt përfundimtar. Alibeaj e tha se produkti i këtij komisioni do të ishte dokumenti që kemi dorëzuar në parlament. Por çfarë komisioni bipartizan konsensual mund të ngrihet mbi këtë premisë kur pakica vjen me një draft, e dorëzon në Kuvend dhe thotë këto janë kushtet tonë.

Ky është dhe burimi i dështimit të këtij komisioni. Gjithsesi ne do të presim rekomandimet e komisionit, do ti shqyrtojmë dhe do të mbajmë një qëndrim në Parlament. Në lidhje me faktin nëse PS i do apo jo listat e hapur, po ne jemi ata që kemi votuar që emigrantët të votojnë. Të gjithë këto janë adresuar dhe do presim rezultatet e komisionit bipartizan që ka zgjat më shumë se askush tjetër dhe si duket nuk ka asnjë produkt si asnjë komision tjetër”, deklaroi Çuçi duke theksuar se PS është forca që ka bërë gati dokumentet se si emigrantët të votojnë.

LEXONI GJITHASHTU:

• “Heshtja është pazar”- Alibeaj: Parlamenti të nxjerrë produktin e ‘Zgjedhores’
• Shehu: Të futet në rend dite mocioni me debat për njohjen e gjenocidit në Kosovë