Çfarë profili kanë ata shqiptarë që nuk kanë shkuar kurrë në Kosovë?

Për të kuptuar pak më shumë për ata  shqiptarë që nuk kanë qenë kurrë në Kosovë, Barometri ka analizuar më thellë të dhënat për të krijuar një profil më të qartë për ta, sipas moshës, arsimit, të ardhurave dhe vendndodhjes urbane apo rurale.

Dhe rezulton se nga 50.4 % e qytetarëve shqiptarë që nuk kanë qenë kurrë në Kosovë, pjesa më e madhe e tyre  74.5 % janë të grupmoshës 65-75 vjeç.

Përqindje më të ulët kanë të rinjtë të cilët janë 38.9 % e atyre që nuk kanë qenë asnjëherë në Kosovë dhe me radhë kjo përqindje rritet në mënyrë progresive me grupmoshat e tjera 25-34 ( 44.4 %), 35-44 ( 45 % ,45-54 ( 50 % ) , 55-64 ( 57,7 %).

Nga 50.4 % e shqiptarëve që nuk kanë qenë asnjëherë në Kosovë pjesa më e madhe janë me arsim bazë  77,4 %, dhe ata me të ardhura të ulëta 82.8 %.

Edhe në ndarjen rurale apo urbane qartazi shqiptarët që banojnë në zonat rurale janë përqindja më e madhe e atyre që se kanë vizituar asnjëherë Kosovën ( 58.1 %)