‘Gati të negociojmë’/ Putin për Ukrainën: Por nuk pranojmë kushte të imponuara

Vladimir Putin ka deklaruar se është gati të negociojë me Ukrainën, por pa kushte të vendosura.

Në një takim me homologun bjellorus, Putin tha se Moska nuk i ka refuzuar kurrë zgjidhjet paqësore me Kievin, por nënvizoi se ajo nuk është ftuar në konferencën mbi Ukrainën që mbahet në Zvicër më 15 dhe 16 qershor.

“Ne nuk ishim ftuar, por ata thanë që ne refuzojmë. Kjo është qesharake. Sërish dua të theksoj se ne jemi të hapur për negociata, por jo në atë format që do të na impononte skema dhe kushte që nuk kanë lidhje me realitetin”-tha Vladimir Putin.

Rusia ka hedhur poshtë formulën e paqes të presidentit Zelensky, që i kërkon Moskës të tërheqë trupat e saj, të kompensojë dëmet që i ka shkaktuar Ukrainës dhe të përballet në gjykatë për veprimet e saj.

Ndërkohë, nga kryeqyteti i Lituanisë, në samitin Nisma e Tre Deteve, Zelensky paralajmëroi Evropën se mungesa e asistencës mund të shkaktojë viktima të tjera dhe të rrisë rrezikun e një konflikti “të ngrirë”.

LEXONI GJITHASHTU: 

• Urgjenca e QSUT jashtë funksionit, Alimehmeti: Pacientët në kaos
• Zbulim i ri në Pompei, gjendet dhoma e argëtimit me afreske të Luftës së Trojës