McLaren objektivat sezonalë, Stella: Do të rivalizojmë për kreun

Team Principal Andrea Stella beson se McLaren mund të fitojë disa gara këtë sezon nëse është në gjendje të përsërisë paraqitjen e bërë në Japoni pasi Ferrari nuk është shumë larg prej tyre.

Deri tani McLaren ka treguar se nuk ka ndonjë diferencë thelbësore me Ferrarin që ka siguruar 3 vende në podium me Carlos Sainz. Spanjolli fitoi në Australi dhe përfundoi i 3 në Bahrein dhe Japoni. Ndërsa Charles Leclerc u rendit i 3 në Arabinë Saudite dhe i 4 në Japoni.

Në ndryshim prej tyre, binomi i McLaren, Lando Norris dhe Oscar Piastri nuk ruajtën dot pozicionet e nisjes në Japoni duke përfunduar në vendit 5 dhe 8 në Suzuka. Ndërsa vetë skuadra ka një start më të mirë se viti 2023 duke u renditur në vendin e 3 me 69 pikë, 51 pas vendit të dytë që mbahet nga Ferrari.

Italiani Stella vlerëson faktin që skuadra është e konsoliduar në pozicionin e 3 në këtë fazë të sezonit dhe është në gjendje të garojë për vendet e sipërme të klasifikimit. Në vitin 2023 McLaren kishte vetëm 14 pikë pas 4 garave – 55 më pak se klasifikimi aktual. Diferencë që tregon transformimin e jashtëzakonshëm që skuadra ka pësuar në 12 muajt e fundit.

LEXONI GJITHASHTU:

• Klasifikimi që ndez garën e Japonisë në F1
• Vettel nuk e ka harruar ende Botërorin F1