Interi barazon me Cagliarin, frikë dhe ankth në Udinese-Roma

Java e 32-të e kampionatit Italian ka prodhuar rezultate interesante, teksa ajo që bie në sy është se asnjë nga ekipet e renditura në krye nuk kanë marrë dot fitore. Interi kryesues u ndal nga Cagliari, Milani barazoi me Sassuolon, teksa Juventusi nuk shkoi më tepër se 0-0 ndaj Torinos në derbi.

Në Giuseppe Meazza, zikaltrit barazuan me Cagliarin në një ndeshje ku arritën të gjenin avantazhin në fraksionin e parë me Thuram, por në pjesën e dytë Shomurodov riktheu ekuilibrat. Një 11 metërsh i fituar nga vendësit do të kthehej në gol nga turku Calhanoglu, por 7 minuta para fundit Viola barazoi sërish shifrat në fushë, duke bërë që sfida të mbyllet 2-2.

Më herët Milani u ndal nga Sassuolo në një përballje spektakolare, e mbyllur në shifrat 3-3. Vendësit shënuan shpejt me Pinamotnin e barazuan me Lauriente, por Leao ngushtoi diferencën. Lauriente i dërgoi shifrat në 3-1, teksa kuqezinjtë do të përgjigjeshin me Joviç e pas tij Okafor, për 3-3. Frikë e ankth në ndeshjen Udinese-Roma, e ndërprerë në shifrat 1-1, teksa shkak u bë një përkeqësim i shëndetit të mbrojtësit Ndicka. 24-vjeçari nga Bregu u shtri përtokë, duke treguar se kishte shqetësime në zemë, e më pas mori ndihmën e stafit mjekësor. Pas pauzës që zgjati disa minuta, gjyqtari vendosi që pjesa e mbetur të riluhet në një datë tjetër, me të njëjtin rezultat.

LEXONI GJITHASHTU:

• Interi jashtë Champions League, penalltitë “tradhtojnë” zikaltrit
• Interi përmbys Udinesen në transfertë dhe shkëputet 14 pikë nga Milani