Merr fund pritja 9-vjeçare/ Elbasani rikthehet në elitën e fubollit shqiptar

Kjo është festa legjitime e Elbasanit, që rikthehet në superligën shqiptare, pas një pritje që zgjati plot 9-vite. Ekipi verdheblu triumfoi minimalisht ndaj Apolonisë, duke siguruar matematikisht ngjitjen një kategoria më lart.

Kur duhen dhe 4 javë deri në përfundim, Elbasani ia doli të krijojë një diferencë prej 15 pikësh me Flamurtarin e vendit të tretë, duke mos lënë asgjë për vlonjatët, të cilët do të duhet të provojnë nëpërmjet Play-Off. Skuadra tjetër që po ashtu do të rikthehet në Superligë është Bylis, që në javën e 29 fitoi ndaj Korabit në shifrat 3-2.

Ballshiotët kanë 67 pikë, 2 më pak se Elbasani, por 13 më tepër se vend ii tretë, që duket se është blinduar me Flamurtarin e Vlorës. Deri më tani, Bylis ka arritur të grumbullojë 21 fitore, 4 barazime dhe 4 humbje, por skuadra elbasanase, e cila njihet me emrin Akademia e Futbollit Elbasani, e krijuar 2 vite më parë, ka 21 fitore, 6 barazime dhe 2 humbje, duke pasur të drejtën të qëndrojë në krye.

Sa i përket titullit kampion asgjë nuk është vendosur, pasi ka ende ndeshje në dispozicion, teksa kujtojmë se Bylis dhe Elbasani do të ndeshen me njëra-tjetrën në javën e fundit, që me gjasa do të konfirmojë edhe kampionin, nëse deri atëherë nuk do të ketë hapa fals.

LEXONI GJITHASHTU:

• “Kënga e Zogut të Parajsës”/ Profesori i fizikës në Pogradec publikon librin e tij
• Rrëzimi i mocionit me debat për drogën, reagon Bardhi