Rrëzimi i mocionit me debat për drogën, reagon Bardhi

Konferenca e kryetarëve rrëzoi sot kërkesën e grupit parlamentar të PD për mocion me debat për problematikën e prodhimit, shitjes dhe trafikimit të lëndëve narkotike në vendin tonë.

Në një deklaratë për mediat pas mbledhjes së Konferencës së Kryetarëve, kreu i grupit të PD, Gazment Bardhi e cilësoi këtë vendim një mohim të të drejtës së opozitës për të kërkuar mocion me debat për një çështje të caktuar.

Sipas Bardhit, mazhoranca po mbron interesat e të afërmve të kryeministrit, ndërsa u shpreh i vendosur se opozita do ta vijojë kërkesën e vet për mocion lidhur me këtë çështje.

“Ju mund të jeni dakord që të mos ekzistojë opozita, por s’e keni në dorë ju. Kërkesa për mocion me debat është e drejtë e opozitës. Ju folët për çështje të ezauruar, por ju kujtoj se laboratori i Xibrakës nuk është çështje e ezauruar. Ka një dosje të veçuar e cila është në sirtar dhe nuk është trajtuar”, tha Bardhi.

Më herë, kreu i grupit parlamentar të PS, Bledi Çuçi komentoi debatet për mandatin e deputetes Olta Xhaçka.

Çuçi në fjalën e tij theksoi se vendimi i Gjykatës Kushtetuese për mandatin e deputetes Olta Xhaçka është zbatuar.

LEXONI GJITHASHTU:

• Mbledhja e Konferencës së kryetarëve, Çuçi: Është zbatuar “Kushtetuesja” për Xhaçkën
• Bardhi kërkoi rikthimin e Berishës në PD, gazetari: Shkeli vijën e kuqe amerikane