Shirat e rrëmbyer dhe rrufetë i marrin jetën të paktën 36 personave në Pakistan

Të paktën 36 persona, kryesisht fermerë, janë vrarë nga shirat e dendur dhe rrufetë në të gjithë Pakistanin gjatë tre ditëve të fundit, thanë zyrtarët sot, pasi autoritetet shpallën gjendjen e jashtëzakonshme në jugperëndim të vendit.

Shumica e vdekjeve ndodhën kur rrufeja goditi fermerët që korrnin grurë dhe shiu shkaktoi shembjen e shtëpive në provincën lindore të Punjab, tha Arfan Katia, zëdhënës i agjencisë së menaxhimit të fatkeqësive të provincës, raportoi AP.

Ai tha se gjatë kësaj jave priten më shumë reshje. Shiu goditi edhe kryeqytetin Islamabad.

Gjatë fundjavës, shtatë persona u vranë në provincën jugperëndimore të Balochistanit, ndërsa tetë njerëz vdiqën në provincën veriperëndimore të Khyber Pakhtunkhwa, e cila kufizohet me Afganistanin.

Shiu përmbyti rrugët në qytetin veriperëndimor të Peshawar dhe Quetta, kryeqyteti i Balochistanit, ku autoritetet shpallën gjendjen e jashtëzakonshme.

LEXONI GJITHASHTU:

• 17 pelegrinë humbin jetën pas përplasjes së autobusit në Pakistan
• Amnesty International thirrje Pakistanit ta ndalë dëbimin e grave dhe vajzave afgane