Forcat izraelite: Kemi vrarë një Komandant të Hezbollahut në Liban

Forcat e Izraelit kanë thënë se kanë vrarë në një sulm një Komandant të Sektorit Bregdetar të Hezbollahut.

Sipas mediave të huaja, IDF thanë se një nga avionët e tyre “goditi dhe eliminoi” Ismail Yusaf Baz në zonën Ain Ebel të Libanit.

Komandanti kishte shërbyer si zyrtar i lartë në disa pozicione në krahun ushtarak të Hezbollahut.

Ai kishte planifikuar gjithashtu lëshime raketash antitank drejt Izraelit nga zona bregdetare e Libanit, tha IDF.

Kujtojmë se situata në rajonin e Lindjes së Mesme është tejet e tensionuar, pas sulmeve të fundit të Iranit në Izrael, por edhe luftimeve në Gaza që po vijojnë të marrin jetë njerëzish që nga 7 tetori i vitit të shkuar.

LEXONI GJITHASHTU:

• Raketat e Hezbollahut goditën bazën ushtarake, Izraeli kryen sulme në Liban
• Hezbollahu raporton për një sulm vdekjeprurës ajror izraelit