Portreti i famshëm i Churchill-it, del në ankand. Ai e urrente këtë pikturë…

Shtëpia e ankandeve “Sotheby’s” ka nxjerr në shitje portretin e ish-kryeministrit të Britanisë së Madhe, Winston Churchill, pikturuar nga një prej artistëve kryesorë britanikë, Graham Sutherland.

Është një studim për vaj në pëlhurë që i parapriu portretit të porositur në vitin 1954 për Parlamentin Britanik, me rastin e 80-vjetorit të politikanit. Portreti i fundit nuk i pëlqeu Churchill-it, i cili e shpalli atë një “shembull të jashtëzakonshëm të artit modern”, duke shkaktuar të qeshura shpërfillëse nga konservatorët. Në vend që të varej në parlament, ajo u dërgua në Chartwell, shtëpinë e Churchillit në Kent, dhe më vonë u dogj.

Përfaqësuesi për artin modern britanik dhe irlandez në shtëpinë e ankandeve “Sotheby’s” Andre Zlatinger tha se Churchill nuk ishte një person i lehtë për t’u pikturuar.

“Churchill e pyeti Sutherland nëse do të pikturohej si një engjëll apo një bulldog, dhe Sutherland u përgjigj se kjo varet nga ajo që i tregon burri shteti,” tha ai.

Profesori i Historisë Moderne në Universitetin e Canterbury-t dhe bashkëpunëtor në Kolegjin Churchill, Kembrixh, Kevin Ruane, theksoi se Graham Sutherland ishte i njohur për realizmin e tij të ashpër dhe pikturoi atë që pa në 1954.

“Ishte një burrë gati 80-vjeçar i cili kishte pësuar një goditje në tru një vit më parë. Kur shikoj fotografinë e pikturës, shoh një burrë që mbante peshën e botës dhe është paksa i rrënuar, por një gërmadhë madhështore gjithsesi, si Partenoni. Ju ende mund të shihni madhësinë që ishte atje, por po shembet” tha Ruan.

Skica e mbijetuar pritet të arrijë midis 622,000 dhe 996,000 dollarë në ankandin e 6 qershorit.

Në shkurt, dhëmbët e rremë të Winston Churchill u shitën në ankand në Cheltenham për 18,000 £ (rreth 22,000 dollarë).

LEXONI GJITHASHTU:

• Del në ankand shtëpia e legjendës së muzikës, Freddie Mercury. Ja çmimi fillesar
• “Imazhet e një gruaje”, piktura e “Beatles” shitet në ankand mbi 1.5 milionë euro