“Imazhet e një gruaje”, piktura e “Beatles” shitet në ankand mbi 1.5 milionë euro

Një pikturë e krijuar nga katër anëtarët e Beatles gjatë turneut në Japoni në vitin 1966 është shitur në ankand për 1.58 milionë euro.

Është e vetmja vepër që secili pjesëtar i grupit, John Lennon, Paul McCartney, George Harrison dhe Ringo Star kanë krijuar së bashku.

Secili prej tyre u ul në një cep, duke pikturuar diçka ndryshe.

Beatles kaluan rreth 100 orë në Japoni gjatë turneut të tyre të vitit 1966. Grupi qëndroi i vendosur në dhomën e tyre të hotelit me urdhër të autoriteteve lokale të cilët ishin të shqetësuar për sigurinë e tyre, duke marrë parasysh fansat euforike dhe raportet e kërcënimeve nga nacionalistët japonezë, të cilët nuk ishin të lumtur që një grup rock perëndimor luante zona të konsideruara shpirtërore për artet marciale.

Piktura u konceptua gjatë tërheqjes së grupit në Suitën Presidenciale të Hotel Hilton në Tokio, e përfunduar gjatë dy netëve dhe u mbikëqyr nga fotografi Robert Ëhitaker, i cili dokumentoi procesin.

Secili muzikant kontribuoi me stilin e tij personal në pikturë, karikaturat e vogla të Ringo Starr-it, goditjet këndore të penelit të George Harrison dhe John Lennon dhe Paul McCartney kryesisht duke punuar me akrilik. Nënshkrimet e tyre qëndrojnë në mes të pikturës.

LEXONI GJITHASHTU:

• Pikturat e Picasso dhe Chagall të vjedhura në vitin 2010 gjenden në Belgjikë 
• Pikturat në xham, dekorimi i prefeuar i bizneseve në Berat. Rritet kërkesa